غزہ 19ستمبر (یو این آئی) اسرائیل کی غزہ پر جارحیت کے نتیجے میں مزید 50 فلسطینی شہید ہوگئے ۔ غیر ملکی خبر رساں ادارے کے مطابق گزشتہ 24 گھنٹوں کے دوران غزہ پر اسرائیلی حملے کے نتیجے میں مزید 50 سے زائد فلسطینی شہید ہوگئے ۔ بعد ازاں شمالی غزہ میں ٹیلی فون اور انٹرنیٹ سروس معطل کردی گئی۔ دوسری جانب جنوبی غزہ میں حماس نے جوابی کارروائی کرتے ہوئے 4 اسرائیلی فوجی ہلاک کردیے ۔ اسرائیل اور اردن کے درمیان سرحدی پُل پر فائرنگ کے نتیجے میں بھی 2 اسرائیلی ہلاک ہوگئے ۔ اسرائیلی فوج کی جانب سے جنوبی لبنان میں بھی بمباری کی گئی جس دوران6 مقامات پر حزب اللہ کے اسلحے کے ذخائر کو نشانہ بنانے کا دعویٰ کیا گیا۔
غزہ میں انٹرنیٹ اور فون سرویس بند
غزہ19ستمبر (یو این آئی) فلسطینی علاقے غزہ کی پٹی میں انٹرنیٹ اور ٹیلیفون سروس کو مکمل طور پر معطل کردیا گیا ہے ۔اسرائیلی فوج کی زمینی کارروائی میں تیزی آگئی ہے جبکہ جمعرات کو فلسطینی علاقہ غزہ کی پٹی میں انٹرنیٹ اور ٹیلیفون سرویس کو مکمل طور پر بند کردیا گیا ہے ۔ ایک رہائشی نے بتایا کہ وہ ای سم کے ذریعہ رابطے میں ہیں اور ‘انٹرنیٹ اور فون سرویس کو بند کردیا گیا ہے۔