تل ابیب : اسرائیلی وزارتِ دفاع کی جانب سے سوشل میڈیا پر غزہ پر کیا گیا طنز اسی کو مہنگا پڑ گیا۔عرب میڈیا کے مطابق اسرائیلی وزارتِ دفاع نے مفت پارکنگ، ایک سوئمنگ پول، انٹرنیٹ اور سرنگوں کے الفاظ استعمال کر کے غزہ پٹی میں ایک مشہور لکژری ہوٹل کا دورہ کرنے کا طنزیہ ٹوئٹ کیا۔عرب میڈیا کے مطابق غزہ کے ساحل پر یہ ہوٹل تو موجود ہے لیکن اب یہ اسرائیلی بمباری کی وجہ سے ملبے میں تبدیل ہو چکا ہے۔رپورٹس کے مطابق حال ہی میں ایک ویڈیو بھی سامنے آئی تھی جس میں اسرائیلی فوجیوں کو ہوٹل کے کچھ حصوں پربمباری کرتے دکھایا گیا تھا۔دوسری جانب اسرائیلی وزارتِ دفاع کی اس طنزیہ پوسٹ پر سوشل میڈیا صارفین خوب تنقید کر رہے ہیں۔ایک صارف نے اس پوسٹ کے جواب میں لکھا ہے کہ تصور کریں کہ ایک فوج پروپیگنڈہ پروگراموں میں حصہ لے رہی ہے جبکہ ایک صارف نے لکھا ہے کہ کیا یہ اکاؤنٹ 5 سال کا بچہ چلا رہا ہے۔اسی پوسٹ پر ایک صارف نے غزہ میں خواتین اور بچوں کو نشانہ بنانے پر اسرائیلی فورسز پر تنقید بھی کی۔
