ریاض : غزہ کیلئے جاری عوامی عطیات مہم کے تحت سعودی عرب سے 26 واں طیارہ آج جمعرات کوروانہ ہوگیا ہے۔ریاض سے مصر کے ابو عریش ایئرپورٹ کے لیے روانہ ہونے والے طیارے میں 24 ٹن سامان موجود ہے۔انتظامیہ نے کہا ہے کہ ’دونوں طیاروں میں غذائی اشیا کے علاوہ، طبی سامان، کمبل، خیمے اور سلیپنگ پیگز موجود ہیں‘۔سعودی عرب کی جانب سے غزہ کے لیے فضائی امدادی کارروائیوں کے ساتھ ساتھ سمندری ذریعے سے بھی ضروری اشیا کی ترسیل جاری ہے۔واضح رہے کہ خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کی ہدایت پر عوامی عطیات مہم جاری ہے۔
