واشنگٹن، یکم؍ جولائی (یو این آئی) امریکی محکمہ خارجہ کی ترجمان ٹیمی بروس نے کہا ہیکہ غزہ کی موجودہ صورتحال کی ذمہ دار فلسطینی مزاحمتی تنظیم حماس ہے۔ ایک بیان میں انہوں نے کہا کہ حماس نے مرنے والے2امریکیوں کی باقیات بھی اب تک روکی ہوئی ہیں۔ امریکی محکمہ خارجہ کی ترجمان نے برطانیہ میں اسرائیل مخالف نعرے لگانے والے کو امریکی ویزا نہ دینے کے بارے میں کہا کہ جو غیر ملکی تشدد کی حمایت کرتے ہیں انہیں امریکی ویزا نہیں دیں گے۔ امریکہ نے ’فری فری فلسطین‘ کے نعرے لگوانے والے برطانوی پاپ سنگر باب وائلن کا ویزا منسوخ کر دیا ہے ۔ڈپٹی سیکریٹری آف اسٹیٹ امریکہ نے برطانوی سنگر کے ویزا منسوخی پر ردعمل دیا اور کہا کہ ہم تشدد اور نفرت کی تعریف کرنے والوں کو خوش آمدید نہیں کہتے۔ باب وائلن نے گلاسٹنبری میوزک فیسٹیول میں فری فری فلسطین کے نعرے لگوائے تھے ۔
