غزہ : غزہ پٹی میں اسرائیلی جارحیت کے باعث طبی امداد نہ ملنے سے 60 ہزار حاملہ خواتین کی جانوں کو خطرہ لاحق ہے۔ فلسطینی وزارت صحت کے بیان میں بتایا گیا ہیکہ اسرائیلی فوج نے غزہ پٹی میں 12 خاندانوں کا اجتماعی قتل عام کیا۔ اسرائیلی بمباری میں مزید142 فلسطینی شہید اور 278 زخمی ہوگئے۔ خدشہ ہے درجنوں افراد تباہ شدہ عمارتوں کے ملبے تلے دبے ہیں۔ فلسطینی حکام کا کہنا ہیکہ اکٹوبر سے اب تک غزہ پٹی میں 24 ہزار 762 شہری شہید اور 62 ہزار 108 زخمی ہوچکے۔ اسرائیلی حملوں کے باعث نقل مکانی کرنے والوں میں وبائی امراض پھیل رہے ہیں جبکہ غزہ پٹی کے ہاسپٹلس میں کینسر کے 10 ہزار مریضوں کی جانوں کو خطرات لاحق ہے۔ فلسطینی حکام کا کہنا ہیکہ کم از کم 4 لاکھ شہری وبائی امراض کا شکار ہوگئے ہیں جبکہ غزہ پٹی میں طبی امداد نہ ملنے سے 60 ہزار حاملہ خواتین کی جانوں کو خطرہ ہے اور جان بچانے والی ادویات کی عدم دستیابی کا بھی سامنا ہے۔ فلسطینی وزارت صحت نے کہا کہ اسرائیلی فوج نے غزہ پٹی میں 30 ہاسپٹلس اور 53 طبی مراکز کو تباہ کردیا ہے۔ اسرائیلی حملوں میں طبی حملے کے 334 افراد شہید، 122 ایمبولنس تباہ ہوگئیں۔ غزہ پٹی پر حملوں کی وجہ سے 20 لاکھ شہری کیمپوں میں پناہ لینے پر مجبور ہیں۔