ممبئی،9 ڈسمبر(ایجنسیز) ہندوستانی کرکٹ ٹیم کے آل راؤنڈر ہارڈک پانڈیا نے اپنی ساتھی مہیکا شرما کی ویڈیو بنانے پر پاپارازی کو آڑے ہاتھوں لیا اور سوشل میڈیا پر سخت ردِعمل دیا۔ کرکٹر نے کہا کہ مہیکا کی جس زاویے سے ویڈیو بنائی گئی، وہ انتہائی غیر اخلاقی اور حد پار کرنے کے مترادف ہے۔ہارڈک پانڈیا نے انسٹاگرام اسٹوری میں لکھا کہ میں سمجھتا ہوں کہ عوامی زندگی میں رہنے کے باعث توجہ اور تنقید کا سامنا کرنا پڑتا ہے، یہ میرے منتخب کردہ راستے کا حصہ ہے، لیکن آج جو ہوا وہ حد پارکرگیا۔ انہوں نے کہا کہ مہیکا صرف باندرہ کے ایک ریسٹورنٹ کی سیڑھیاں اتر رہی تھی کہ پاپارازی نے اسے ایسے زاویے سے ریکارڈ کیا جس کی کوئی عورت مستحق نہیں، ایک نجی لمحے کو سستی سنسنی خیزی میں بدل دیاگیا۔یہ خبر یا تصویری مقابلے کی بات نہیں، یہ بنیادی عزت و وقار کا مسئلہ ہے، خواتین عزت کی مستحق ہیں، ہر شخص کی اپنی حدود ہونی چاہیے۔یہ خبر یا تصویری مقابلے کی بات نہیں، یہ بنیادی عزت و وقار کا مسئلہ ہے، خواتین عزت کی مستحق ہیں، ہر شخص کی اپنی حدود ہونی چاہیے۔
