ریاض : حج سیکیورٹی کمانڈ کیسربراہ بریگیڈیئر سامی الشویرخ نے بتایا ہیکہ حج کے ایام میں کچھ لوگوں کو غیر مجاز طریقہ سے مسجد حرام ، مشاعر مقدسہ یا مسجد کے مرکزی احاطے میں داخل ہونے کی کوشش کے دوران روکا گیا ہے۔ان کا کہنا تھا کہ حج سیزن 1442ھ کے دوران غیر مجاز طریقہ سے مسجد حرام اور مشاعر مقدس میں گھنسے کی کوشش کے 87 واقعات رپورٹ ہیں جن کے خلاف کارروائی کی ہے۔انہوں نے بتایا کہ غیر مجاز طریقے سے مسجد حرام میں گھسنے والے افراد کے خلاف قانون کے مطابق کارروائی کی اور انہیں فی کس 10 ہزار ریال جرمانہ کیا گیا۔بریگیڈیئر الشویرخ نے شہریوں اور غیرملکیوں سے اپیل کی کہ وہ حج کے ایام میں مسجد حرام اور مقامات مقدسہ میں داخلے کے لیے وضع کردہ طریقہ کار عمل کریں اور غیر مجازطریقہ سے حرم مکی میں داخلے سے بچیں۔
