سرینگر19اپریل (سیاست ڈاٹ کام ) نیشنل کانفرنس صدر ڈاکٹر فاروق عبداللہ نے جمعہ کے روز آثار شریف درگاہ حضرت بل میں حاضری دی اور وہیں نماز جمعہ بھی ادا کی۔پارٹی کے ایک ترجمان نے یہ اطلاع دیتے ہوئے کہا کہ فاروق عبداللہ نے اس موقعہ پر جموں وکشمیر میں مکمل امن و امان، عالم اسلام کی سربلندی، عالم انسانیت کی بقا، ریاست کے لوگوں کی خوشحالی و ترقی کے علاوہ ہندوستان اور پاکستان کے درمیان مضبوط دوستی، دونوں پڑوسی ممالک کے لوگوں کی خوشحالی و فارغ البالی اور مسئلہ کشمیر کے حل کیلئے دعا کی۔اس سے قبل انہوں نے چرار شریف میں بھی حاضری دی۔