پیرس : جانوروں کے تحفظ کی انجمنوں کے مطابق جنوبی فرانس میں ایک ریٹائرڈ شخص کے گھر سے لگ بھگ 100 مردہ بلیاں برآمد ہوئیں ہیں۔جانوروں کے حقوق کے لیے کام کرنے والے رضاکاروں کو ایک 81 سالہ بوڑھے شخص کی بھانجی نے اس وقت مطلع کیا، جب وہ اتوار کو اس کے گھر میں داخل ہوئی۔ اتوار کے روز بوڑھے شخص کو شہر نیس کے ایک ہسپتال لے جایا گیا، جس کے بعد یہ رشتہ دار لڑکی ریٹائرڈ شخص کے گھر گئی تھی۔یہ لڑکی گھر میں داخل ہوئی تو زیادہ تر جانور ہلاک ہو چکے تھے۔ نیس کے مقامی اخبار کے مطابق زیادہ تر بلیوں کو پلاسٹک یا پھر لکڑی کے ڈبوں میں سیل کر کے رکھا گیا تھا۔جانوروں کے حقوق کے لیے کام کرنے والے رضاکاروں کو گھر کے اندر اور اردگرد پائی جانے والی مردہ بلیوں کے ساتھ ساتھ گلہریوں اور چوہوں کی باقیات جبکہ کتے کے جبڑے بھی ملے ہیں۔گھر کے اندر سے 20 سے زائد ایسی بلیاں بھی ملی ہیں، جو شدید غذائی قلت کا شکار تھیں۔ ان لاغر بلیوں کو جانوروں کے ڈاکٹروں کے حوالے کر دیا گیا ہے۔ جانوروں کی دیکھ بھال کرنے والی ایک مقامی تنظیم کے سربراہ فیلپے دیجاکگل کا کہنا تھا، ”ایسا لگتا ہے کہ بلیاں ڈبوں میں رکھنے سے پہلے ہی مر چکی ہیں ۔
