پیرس: فرانس کے صدر ایمانیول میکرون بھی کورونا وائرس کا شکار ہوگئے۔غیر ملکی خبر رساں ادارے کے مطابق فرانسیسی صدر ایمانیول میکرون میں کورونا وائرس کی علامات ظاہر ہونے کے بعد کووڈ ٹسٹ کیا گیا جو مثبت آیا، فرانسیسی صدر کے دفتر کی جانب سے جاری بیان میں کہا گیا ہے کہ صدر ایمانیول میکرون میں وائرس کی ابتدائی علامات ظاہر ہوئی ہیں تاہم انہوں نے اپنے آپ کو قرنطینہ کرلیا ہے اور وہیں سے وہ اپنی صدارتی ذمہ داریاں ادا کرتے رہیں گے۔فرانسیسی صدر کے کورونا وائرس کا شکار ہونے کے بعد فرانسیسی وزیراعظم بھی قرنطینہ میں چلے گئے ہیں۔ واضح رہے کہ رواں ہفتے فرانسیسی صدر ایمانیول میکرون نے پرتگال کے وزیراعظم اور ریڈ کراس کے صدر سمیت متعدد اہم شخصیات سے ملاقاتیں کی تھیں۔
