پیرس، 13 مئی ( سیاست ڈاٹ کام ) فرانس میں گزشتہ 24 گھنٹوں میں کورونا وائرس ‘ کووڈ ۔19 ‘کے سبب 348 نئی ہلاکتیں ہوئی ہیں جس کی وجہ سے ہلاک شدگان کی تعداد بدھ کو 27 ہزار سے تجاوز کر گئی ۔اس کے ساتھ امریکہ، برطانیہ اور اٹلی کے بعد فرانس سب سے زائد متاثر ممالک میں چوتھے مقام پر آ گیا ہے ۔ وزارت صحت کے اعداد و شمار کے مطابق 21.595 مریضوں کو اسپتال میں داخل کرایا گیا ہے جس میں 2542 مریضوں کو انتہائی نگہداشت یونٹ میں رکھا گیا ۔فرانس میں کورونا سے اب تک 140،227 افراد متاثر ہوئے ہیں جبکہ اب تک 57،785 افراد صحتیاب ہوچکے ہیں۔ وزارت کے مطابق وبا اب بھی فعال ہے اور آہستہ آہستہ پھیل رہی ہے ۔
