لندن : دنیا کے پانچ بڑے شہر وں میں گذشتہ سال فضائی آلودگی سے تقریبا 1لاکھ 60 ہزار افراد ہلاک ہوئے۔ماحولیاتی گروپ گرین پیس ساوتھ ایسٹ ایشیا کی رپورٹ کے مطابق گزشتہ سال فضائی آلودگی کا بدترین شکار شہر ہندوستانی دارالحکومت نئی دہلی رہا جہاں فضائی آلودگی کے سبب تقریبا 54ہزار افرادموت کے منہ میں چلے گئے۔کورونا وائرس کے سبب عائد لاک ڈاوین بھی بڑے شہروں میں فضائی آلودگی کم کرنے میں مددگارثابت نہیں ہوسکے۔ٹوکیو میں فضائی آلودگی40 ہزار افراد کی موت کا سبب بنی جبکہ شنگھائی، ساوپالو اور میکسیکو سٹی بھی آلودگی کاشکار 5بدترین شہروں میں شامل ہیں۔ماحولیاتی گروپ کا کہناہیکہ فضا کوصاف رکھنے کیلئے حکومتوں کو نئے کوئلے کے پلانٹس کو بند کرکے ہوا اور سولار جیسی صاف توانائی کی پیداوار میں سرمایہ کاری کرنا چاہئے۔
