غزہ: شمالی غزہ سے جبری بے دخلی کے بعد لاکھوں فلسطینیوں کی اسرائیلی بمباری سے تباہ حال علاقوں میں واپسی کا سلسلہ جاری ہے ۔فلسطینیوں کا واپس اپنے تباہ حال علاقوں میں لوٹنے کا سلسلہ جاری ہے تو دوسری جانب اسرائیلی فوج نے فائر بندی کی خلاف ورزیاں کرتے ہوئے ایک بچے سمیت 2 فلسطینی شہید کردیئے جب کہ ایمبولنس پر بھی فائرنگ کی گئی۔ عمارتوں کے ملبے سے شہدا کی مزید 48 لاشیں برآمد ہوئیں، اس کے علاوہ 15 ماہ بعد پہلی بار غزہ میں کوکنگ گیس کی فراہمی کی گئی ہے ۔ میڈیا رپورٹس کے مطابق اسرائیل نے اقوام متحدہ امدادی ایجنسی اُنروا کو کام روکنے کا حکم بھی دیا ہے ۔اسرائیل نے حماس سے تعلق کا الزام لگا کر اُنروا کو غیر قانونی قرار دیا تھا۔
