منیلا۔24جولائی (سیاست ڈاٹ کام) فلپائن کے افوگاؤ صوبے کے ایگوئنالڈو شہر میں چہارشنبہ کو ایک چھوٹا ٹرک حادثے کا شکار ہوگیا جس سے 7 لوگوں کی موت ہوگئی دو دیگر زخمی ہوگئے ۔افوگاؤ صوبہ کے پولیس ڈائریکٹر کرنل رومیئومینگوانگ نے بتایا کہ یہ حادثہ چہارشنبہ کی صبح مقامی وقت کے مطابق تقریباً 8:30 بجے ہوا جب ٹرک ایگونالڈو شہر سے الفونسو لسٹا شہر کی سمت جارہاتھا۔انہوں نے بتایا کہ حادثے میں ٹرک میں سوار مسافروں کے ساتھ ڈرائیور کی بھی موقع پر ہی موت ہوگئی۔ابتدائی تحقیقات سے پتہ چلا ہے کہ پہاڑی علاقے میں سڑک پر ٹرک کا بریک فیل ہونے کی وجہ سے یہ حادثہ ہوا۔افوگاؤ فلپائن کے لوزون جزیرے کے کورڈیلیرا نتظامیہ علاقے میں چاروں طرف زمین سے گھرا ہوا صوبہ ہے ۔