منیلا،26دسمبر (سیاست ڈاٹ کام) فلپائن میں گردابی طوفان ‘فین فونے ’کی وجہ سے کم از کم نو لوگوں کی موت ہوگئی ہے ۔طوفان نے منگل کو فلپائن میں دستک دی تھی اور یہ اپنے ساتھ شدید بارش اور ہوائیں لے کر آیا۔دی فلپائن ڈپارٹمنٹ آف انٹیریئر اینڈلوکل گورنمنٹ(ڈی آئی ایل جی)نے جمعرات کو بتایا کہ طوفان سے الائیلو صوبے میں چھ،کیپج صوبے میں دو اور لیئیٹے صوبے میں ایک شخص کی موت ہوگئی ہے ۔دی فلپائن نیشنل ڈیزاسٹر رسک ریڈکشن اینڈ مینجمنٹ کونسل(این ڈی آر آر ایم سی)نے طوفان سے ہوئی اموات کے واضح اعدادوشمار ابھی تک نہیں دئے ہیں حالانکہ اس نے بتایا ہے کہ طوفان سے ملک کے 38گاؤں کے قریب 2400لوگ متاثر ہوئے ہیں۔این ڈی آر آر ایم سی کے مطابق طوفان کی وجہ سے 100سے زیادہ گھریلو اور بین الاقوامی طیاروں کی آمدورفت ملتوی کردی گئی ہے ۔
