نئی دہلی ۔ 20 ستمبر (ایجنسیز) ملک میں نوٹوں کے لیے اخلاقیات کا جنازہ نکل گیا جب بینک سے مبینہ منسلک خاتون نے نیم فوجی دستے کے مقروض اہلکار کو انتہائی نازیبا زبان میں باتیں سْنادیں۔ خاتون نے کہا کہ تم جاہل ہو، پڑھے لکھے ہوتے تو سرحد پر نہ بھیجے جاتے بلکہ کسی اچھی کمپنی میں کام کرتے، دوسروں کا مال ہڑپ نہ کرو، اسی لیے تمہارے بچے معذور پیدا ہوتے ہیں۔ اہلکار کے بات کرنے پر خاتون نے کہا کہ تم مجھے کیا سبق سکھاؤ گے میری فیملی کا بھی فوج سے تعلق ہے، تم قرض پہ جی رہے ہو اور مجھے سکھاؤ گے۔ قرض واپسی کے تنازعہ پر ٹیلی فون کالر انورادھا ورما کی سی آر پی ایف اہلکار سے توہین آمیز آڈیو وائرل ہوگئی ہے۔ آڈیو سوشل میڈیا پر وائرل ہونے پر بعض افراد نے دعویٰ کیا ہے کہ خاتون کا تعلق ہندوستان کے کی کسی بینک سے ہے جبکہ بینک نے وضاحت دی ہے کہ خاتون اس کی ملازمہ نہیں تاہم لوگوں کا کہنا ہے کہ اگر وہ بینک ملازمہ نہیں تو اس تک بینک کا ڈیٹا پہنچا کیسے؟
