شوپیان میں مزید دو جنگجو ہلاک ، جنوبی کشمیر کے ترال میں بھی تصادم جملہ 7جنگجو ہلاک
کولکاتا: مرکزی فورسیس کے خلاف تبصرہ پرالیکشن کمیشن آف انڈیا کے ذریعہ نوٹس ملنے پر ممتا بنرجی نے کہاکہ جب تک مرکزی فورسیس کے جوان بی جے پی کے لئے کام کرنا بند نہیں کریں گے اس وقت تک میں مرکزی فورسیس کے خلاف بولتی رہوں گی-ممتا بنرجی نے کہاکہ الیکشن کمیشن بی جے پی کے کہنے پر کام کررہی ہے ؟-انہوں نے کہاکہ وزیر اعظم مودی پولنگ کے دن انتخابی مہم چلارہے ہیں اس کے باوجود کمیشن نوٹس نہیں دے رہا ہے -مشرقی بردوان کے جمال پور میں ایک ریلی سے خطاب کرتے ہوئے ترنمول کانگریس کی سربراہ نے کہا کہ میں سی پی آر ایف کی مداخلت کے بارے میں بات کرتی رہوں گی جب تک کہ وہ بی جے پی کے لئے کام کرنا بند نہیں کرے گی- مجھے الیکشن کمیشن کی کوئی پرواہ نہیں.انہوں نے کہا کہ کمیشن ہماری شکایتوں پر توجہ نہیں دے رہا ہے .صرف بی جے پی کی باتوں پر کارروائی کررہا ہے -ممتا بنرجی نے کہاکہ چوں کہ وزیر اعظم مودی پولنگ کے دن جلسہ کرتے ہیں اس لئے وہ بھی پولنگ کے دن مہم چلاتی ہیں.انہوں نے کہاکہ بنگال میں انتخاب ہورہا ہے اور وزیر اعظم امتحان پر چرچا کررہے ہیں- کیا یہ ضابطہ اخلاق کی خلاف ورزی نہیں ہے کیا؟.خیال رہے کہ کل رات وزیر اعلی ممتا بنرجی کے خلاف الیکشن کمیشن نے مرکزی فورسیس کے خلاف بیان بازی کرنے پر نوٹس جاری کیا ہے -کمیشن نے کہاکہ ممتا بنرجی مرکزی فورسیس مے خلاف بے بنیاد الزامات عاید کررہی ہیں۔۔جنوبی کشمیر میں دو مختلف مقامات پر سکیورٹی فورسز کی جانب سے چلائے جانے والے جنگجو مخالف آپریشنز میں انصار غزوہ الہند کے سربراہ سمیت 7 جنگجو مارے گئے ہیں۔یہ جنگجو مخالف آپریشنز قصبہ شوپیاں کے جان محلہ اور ضلع پلوامہ کے نوبگ ترال میں چلائے گئے ہیں۔کشمیر زون پولیس کے آفیشل ٹویٹر ہینڈل پر ایک ٹوئٹ میں کہا گیا: ‘ترال انکوائنٹر اپڈیٹ، ترال انکوائنٹر میں انصار غزوۃ الہند کے چیفامتیاز شاہ کو ہلاک کیا گیا ہے ۔ آئی جی پی کشمیر نے پولیس اور سکیورٹی فورسز کو اس کامیابی پر مبارکباد پیش کی ہے ۔ علاقے میں سرچ آپریشن جاری ہے ۔ مزید تفصیلات شیئر کی جائیں گی’۔اسی ٹویٹر ہینڈل پر کہا گیا کہ قصبہ شوپیاں میں جمعرات کی شام سے جاری مسلح تصادم میں مزید دو جنگجو مارے گئے ہیں جس کے ساتھ مارے جانے والے جنگجوئوں کی تعداد بڑھ کر پانچ ہو گئی ہے ۔بتایا جا رہا ہے کہ شوپیاں میں تصادم کے دوران دو فوجی اہلکار زخمی ہوئے ہیں جنہیں خصوصی علاج و معالجہ کے لئے سرینگر کے فوجی ہاسپٹل منتقل کیا گیا ہے ۔