سرینگر: انڈین آرمی نے کورونا کے کیسز میں اضافہ کے پیش نظر شمالی کشمیر کے ضلع بانڈی پورہ کے سونہ واری علاقہ میں 17 مئی سے شروع ہونے والی بھرتی ریلی کو اگلے احکامات تک ملتوی کر دیا ہے ۔دفاعی ترجمان لیفٹیننٹ کرنل عمران موسوی نے یہ اطلاع دیتے ہوئے کہا کہ صورتحال میں بہتری آنے پر نئی تاریخوں کا اعلان کیا جائے گا۔انہوں نے کہاکہ وادی کشمیر میں کووڈ 19 کے کیسز میں اضافہ کے پیش نظر بانڈی پورہ کے ہیلی پیڈ گرائونڈ سونہ واری میں 17مئی 2021 سے شروع ہونے والی آرمی ریکروٹمنٹ ریلی کو اگلے احکامات تک ملتوی کیا گیا ہے۔ان کا مزید کہنا تھا کہ جن خواہشمند امیدواروں نے اس ریکروٹمنٹ ریلی میں حصہ لینے کیلئے رجسٹریشن کی ہے ان کی رجسٹریشن برقرار رہے گی۔
