واشنگٹن ۔24 جولائی (سیاست ڈاٹ کام) سابق فوجی سربراہ مارک ایسپر نے منگل کو وائٹ ہاؤس میں منعقد ایک تقریب میں امریکہ کے وزیر دفاع کے عہدہ کا حلف لیا۔اس سے پہلے امریکی سینیٹ نے آٹھ کے مقابلہ 90 ووٹوں سے مسٹر ایسپر کے وزیر دفاع مقرر کئے جانے کی تصدیق کی۔ اس سے پہلے وہ نگراں دفاعی سربراہ کے طور پر کام کر چکے ہیں۔سپریم کورٹ کے جج سیموئیل الیٹو نے مسٹر ایسپر کو حلف دلایا۔ وزیر دفاع کے عہدہ کا حلف لینے کے بعد انہوں نے کہا‘‘وزیر دفاع مقرر کیا جانا میرے لئے اعزاز کی بات ہے ‘‘۔امریکہ کے صدر ڈونالڈ ٹرمپ نے کہا کہ انہیں یقین ہے کہ مسٹر ایسپر بہترین وزیر دفاع ہوں گے ۔ انہوں نے کہا کہ مسٹر ایسپر ‘ویسٹ پوائنٹ گریجویٹ’ہیں اور انہوں نے خلیج جنگ کے دوران 21سال تک فوج میں کام کیا ہے ۔وزارت دفاع کے ترجمان جوناتھن ہوف مین نے کہا کہ مسٹر ایسپر امریکہ کے 27ویں وزیر دفاع ہیں اور اب ان کے شانوں پر وزارت دفاع کی مکمل ذمہ داریاں ہیں۔