بیونس آئریس ۔ 4مئی (سیاست ڈاٹ کام)ارجنٹینا کے مشہور فٹبالر پائولو دیبالاکا چوتھی مرتبہ کیا جانے والا کورونا ٹسٹ پھر مثبت آگیا۔پائولو دیبالا نے مہلک وائرس میں مبتلا ہونے کے بعد مرحلہ وار 4 مرتبہ ٹسٹ کروائے گئے ہیں۔ جو مثبت ہی آئے تاہم ان کی صحت بہتر ہے اور وبا کی علامات بھی آہستہ آہستہ ختم ہو رہی ہیں۔فٹبالر نے کہا کہ کورونا میں مبتلا ہونے کے بعد سانس لینے میں دشواری پیش آ رہی تھی لیکن اب صحت یاب ہوں لیکن وائرس اب بھی جسم میں موجود ہے جو ممکنہ طور پر جلد ختم ہو جائے گا۔