نئی دہلی۔ 9مئی ( سیاست ڈاٹ کام ) آل انڈیا فٹ بال فیڈریشن (اے آئی ایف ایف) کے تکنیکی کمیٹی نے 2021 سیزن سے تمام گھریلو لیگ میچوں میں تین غیر ملکی اور ایک ایشیائی کھلاڑی رکھنے کی سفارش کی ہے۔شیام تھاپا کی صدارت میں جمعہ کو تکنیکی کمیٹی کی ویڈیو کانفرنس کے ذریعے میٹنگ ہوئی۔میٹنگ میں دیگر حکام کے ساتھ اے آئی ایف ایف کے سیکرٹری جنرل کشل داس بھی شامل ہوئے۔کمیٹی نے وسیع بات چیت کے بعد متفقہ طور پر سفارش کی کہ 2021 سیزن سے تمام گھریلو لیگ میچوں میں تین غیر ملکی اور ایک ایشیائی کھلاڑی کو رکھا جائے۔