واشنگٹن: سوشل نیٹ ورکنگ سائٹ فیس بک نے اپنی ملکیت میں چلنے والی سوشل نیٹ ورکنگ سروس انسٹاگرام سے 530 اکاؤنٹس کو حذف کردیا ہے جو روس کے اپوزیشن لیڈر الیکسی نولنی کی حمایت میں کئے گئے احتجاج کی کوریج سے منسلک تھے۔ فیس بک نے کہا کہ ہم نے انسٹاگرام سے ایسے 530 اکاؤنٹس کو حذف کردیئے ہیں جو روس کے انسداد بدعنوانی کے کارکن اور اپوزیشن لیڈر الیکسی نولنی کی حمایت میں احتجاج کی کوریج سے متعلق تھے ۔کمپنی نے کہا کہ ہم نے ایسے بیشتر اکاؤنٹس کی نشاندہی کی ہے اور اسے ہٹا دیا ہے۔ الیکسی نولنی کی حمایت میں روس کے مختلف شہروں میں مظاہرے 23 جنوری کو شروع ہوئے اور 31 جنوری تک جاری رہے۔ اس کے علاوہ2 فروری کو ماسکو میں بھی ریالیاں منظم کی گئیں۔