واشنگٹن21 ستمبر (سیاست ڈاٹ کام) سماجی رابطوں کی ویب سائٹ فیس بک نے ہزاروں ایپلیکیشنز معطل پا بند کر دی ہیں۔ یہ اقدام ’کیمبرج اینالیٹ کا اسکینڈل‘ سے متعلق تحقیقات کے تناظر میں اٹھایا گیا، جس میں سامنے آنے والے حقائق کے مطابق رائے عامہ کو ایک مخصوص سمت میں لے جانے کے لیے صارفین کا ڈیٹا استعمال کیا گیا، جو کہ پرائیویسی قوانین کی خلاف ورزی کے زمرے میں آتا ہے۔ خارج کردہ ایپس قریب چار سو مختلف ڈیویلپرز کی ہیں۔ امریکی اخبار نیو یارک ٹائمز نے اپنی ایک رپورٹ میں بند کردہ ایپلیکیشنز کی تعداد 79ہزار بتائی ہے۔
