وال اسٹریٹ جرنل کی رپورٹ ۔ بجرنگ دل کے بارے میں امریکی حکومت کا اندازہ غلط،ترجمان کی وضاحت
نئی دہلی : فیس بک پر اسلحے کی غیر قانونی خرید و فروخت کے حوالے سے چونکا دینے والا انکشاف سامنے آیا ہے۔ وال اسٹریٹ جرنل (WSJ) کے حوالے سے اے بی پی نیوز نے رپورٹ کیا ہے کہ فیس بک کے کچھ صارفین نے بجرنگ دل سے وابستہ گروپوں کے ارکان کو ‘ہتھیار، رائفلیں، شاٹ گن اور گولیاں’ فروخت کرنے کی پیشکش کی ہے۔ ایسی ہی ایک فیس بک پوسٹ ہندوتوا واچ کے بانی رقیب حمید نائیک نے دیکھی ہے۔ ہندوتوا واچ بھارت میں مذہبی اقلیتوں کے خلاف حملوں پر نظر رکھتی ہے۔ڈبلیو ایس جے کے مطابق، رقیب حمید نائیک نے جنوری میں ایسی پوسٹوں کی رپورٹنگ شروع کی۔ ان کا خیال ہے کہ یہ پوسٹس کمپنی کی عوامی طور پر بیان کردہ پالیسی کی خلاف ورزی کرتی ہیں۔ میڈیا آؤٹ لیٹ کا دعویٰ ہے کہ اس نے ایسی دستاویزات کا جائزہ لیا ہے جو اس بات کی تصدیق کرتے ہیں کہ فیس بک نے ان (قابل اعتراض پوسٹس) کو ہٹانے سے یہ کہہ کر انکار کر دیا تھا کہ ایسی پوسٹس نے کمپنی کے قوانین کی خلاف ورزی نہیں کی۔اے بی پی کی رپورٹ کے مطابق وال اسٹریٹ جرنل (ڈبلیو ایس جے )کا کہنا ہے کہ پوسٹس کے بارے میں پوچھ گچھ کے بعد فیس بک نے 7 فروری کو ان پوسٹس کو ہٹا دیا۔ میٹا کے ایک ترجمان نے کہا، ‘ہم لوگوں کو اپنی ایپ پر بندوقیں خریدنے یا فروخت کرنے سے روکتے ہیں اور خلاف ورزی کرنے والے مواد کو دیکھتے ہی اسے ہٹا دیتے ہیں۔’ میڈیا آؤٹ لیٹ نے دعویٰ کیا کہ ترجمان نے اس بات پر تبصرہ کرنے سے انکار کر دیا کہ جب پوسٹ کو پہلی بار رپورٹ کیا گیا تو اسے کیوں نہیں ہٹایا گیا۔ڈبلیو ایس جے کا کہنا ہے کہ پوسٹس کے بارے میں پوچھ گچھ کے بعد فیس بک نے 7 فروری کو ان پوسٹس کو ہٹا دیا۔ میٹا کے ایک ترجمان نے کہا، ‘ہم لوگوں کو اپنی ایپ پر بندوقیں خریدنے یا فروخت کرنے سے روکتے ہیں اور خلاف ورزی کرنے والے مواد کو دیکھتے ہی اسے ہٹا دیتے ہیں۔’ میڈیا آؤٹ لیٹ نے دعویٰ کیا کہ ترجمان نے اس بات پر تبصرہ کرنے سے انکار کر دیا کہ جب پوسٹ کو پہلی بار رپورٹ کیا گیا تو اسے کیوں نہیں ہٹایا گیا۔بجرنگ دل سے جڑے ہونے کا دعویٰ :جن پوسٹوں کو ہٹایا گیا ان کا براہ راست تعلق بجرنگ سے بتایا جاتا ہے۔ بجرنگ دل وشو ہندو پریشد (VHP) کا یوتھ ونگ ہے۔ بجرنگ دل کو 2018 میں امریکی سنٹرل انٹیلی جنس ایجنسی نے وی ایچ پی کے ساتھ ایک دہشت گرد مذہبی تنظیم سمجھا تھا۔ ڈبلیو ایس جے کی رپورٹ میں کہا گیا ہے کہ بجرنگ دل کے ارکان بھی گزشتہ برسوں میں بھارت میں مذہبی بنیادوں پر قتل کے الزام میں جیل جا چکے ہیں۔بجرنگ دل اور وی ایچ پی کے ترجمان نے ڈبلیو ایس جے کو بتایا کہ ‘بجرنگ دل کے بارے میں امریکی حکومت کا اندازہ غلط ہے، اس کا کوئی بھی رکن ہتھیار خرید یا فروخت نہیں کرے گا… ہم تشدد پر یقین نہیں رکھتے۔ہندوتوا واچ کے بانی رقیب حمید نائیک نے بجرنگ دل کے لیے وقف پانچ گروپوں میں فروخت کے لیے بندوقوں کی پیشکش کرنے والی پوسٹس کا سراغ لگایا۔
