واشنگٹن : سوشل میڈیا پلیٹ فارم فیس بک نے کہا ہے کہ وہ ایک ماہ تک امریکہ میں انتخابات سے متعلق اشتہارات پر عارضی پابندی جاری رکھے گا۔کمپنی کے بیان کے مطابق امریکہ میں صدارتی انتخابات کو کسی بھی مداخلت سے بچانے کی کوششوں کے تحت سیاسی اور سماجی امور سے متعلق اشتہارات پر عارضی پابندی جاری رکھی جائے گی۔ سوشل میڈیا کمپنی کا کہنا ہے کہ مشتہرین کو ابھی بھی کم سے کم ایک مہینہ انتظار کرنا پڑے گا ، حالانکہ انہیں امید ہے کہ جلد ہی راحت مل جائے گی۔فیس بک کے علاوہ گوگل نے بھی انتخابات سے متعلق تشہیر پر عارضی عائد پابندی جاری رکھنے کا اعلان کیاہے ۔امریکی صدارتی انتخابات کے نتائج کا ابھی اعلان نہیں کیا گیا ہے ، لہذا کسی بھی قسم کے تنازع سے بچنے ان پابندیوں کی مدت میں توسیع کا اعلان کیا گیا ہے ۔
