ممبئی، 23 ستمبر (یو این آئی) اداکارہ فاطمہ ثناء شیخ نے فیمینزم کے بارے میں اپنی رائے کا اظہار کرتے ہوئے کہا ہے کہ اس کا مطلب مردوں کے حقوق چھیننا نہیں بلکہ خواتین کے لیے برابر کے حقوق کا مطالبہ کرنا ہے ۔ جیو ہاٹ اسٹار کی آنے والی سیریز ’ہنکار:دی رور‘ میں ایک بہادر پولیس افسر کا کردار ادا کر رہی فاطمہ نے کہا کہ فیمینزم کو بہت سے لوگ ایک برے لفظ کے طور پر دیکھتے ہیں۔ فیمینسٹ ہونے کا مطلب یہ نہیں ہے کہ میں کسی مرد کے حقوق چھین رہی ہوں۔ میں صرف اپنے لیے برابر کے حقوق مانگ رہی ہوں۔ انہوں نے اداکارہ پرینکا چوپڑا جونس کی مثال دیتے ہوئے کہا کہ خود کو فیمینسٹ کہنے سے شائقین کی محبت کم نہیں ہوتی۔ فاطمہ کے مطابق اگر نیت صاف ہو اور بات کو صحیح طریقے سے رکھا جائے تو لوگ اسے ضرور سنتے ہیں۔ ’ہنکار:دی رور‘ میں فاطمہ ایک پولیس افسر کا کردار نبھا رہی ہیں جو ایک نابالغ لڑکی کے روحانی گرو پر جنسی استحصال کے الزام سے جڑے معاملے کی تفتیش کرتی ہے ۔ فاطمہ نے اس پروجیکٹ کو اپنے کریئر کے بہترین اور سبق آموز تجربات میں سے ایک قرار دیا۔ انہوں نے کہا کہ سیریز کے پروڈیوسرز نے انہیں برابری کا درجہ دیا اور ان کی رائے کو اہمیت دی۔ برلا اسٹوڈیوز اور اپلاز انٹرٹینمنٹ نے پرپل پیبل پکچرز اور منگاٹا فلمز کے ساتھ مل کر اس سیریز کو پروڈیوس کیا ہے ۔
