انجمن مسلم کمیٹی کے وفد کی وقف بورڈ سی ای او سے ملاقات، اراضی کی فوری حصار بندی کا مطالبہ
نظام آباد ۔ 15 ڈسمبر (سیاست ڈسٹرکٹ نیوز) ضلع نظام آباد کے بالکنڈہ منڈل کے ویلپور قبرستان عیدگاہ کی اراضی مقامی ولیج ڈیولپمنٹ کمیٹی کی جانب سے وقفہ وقفہ سے غیر مجاز طور پر قبضہ کرنے کی کوشش کیخلاف ویلپور انجمن مسلم کمیٹی نے وقف بورڈ پہنچ کر سی ای او وقف بورڈ سے نمائندگی کرتے ہوئے اراضی کے تحفظ کیلئے فوری اقدامات کرنے کی تفصیلات سے واقف کروایا ۔ مسلم انجمن کمیٹی کے صدر شیخ نعیم نے بتایا کہ مسلم قبرستان عیدگاہ کی جملہ چار ایکر 12 گنٹہ اراضی ہے اور اس اراضی پر ولیج کمیٹی کی جانب سے غیر مجاز طور پر قبضہ کرنے کی گذشتہ 2 سالوں سے قبضہ کرنے کی کوشش کرتے ہوئے مقامی مسلمانوں کو ہراساں کیا جارہا ہے جبکہ اس قبرستان و عیدگاہ کی بائونڈری وال کی تعمیر کیلئے 8 لاکھ روپئے منظور کئے گئے لیکن ابھی تک وقف بورڈ کی جانب سے اقدامات نہ کرنے کی وجہ سے تعمیری کام زیر التواء ہے فوری ان تعمیری کاموں کو انجام دیتے ہوئے قبرستان اور عیدگاہ کے تحفظ کیلئے خواہش کی ۔ وقف بورڈ کی جانب سے عہدیداروں کی ایک ٹیم روانہ کی گئی تھی سی ای او وقف بورڈ خواجہ معین الدین نے وفد کو اس خصوص میں جنگی خطوط پر اقدامات کرنے کا تیقن دیا ۔ مقامی مسلمانوں کا گذشتہ دو دنوں سے سماجی بائیکاٹ کیا جارہاہے آج اے سی پی آرمور اور آرڈی او آرمور کی نگرانی میں دونوں فرقوں کے ذمہ داروں کے ساتھ ایک اجلاس طلب کیا گیا ۔ لیکن کوئی نتیجہ نہ نکلنے پر ویلپور مسلم انجمن کمیٹی کلکٹر سے نمائندگی کرنے کا ارادہ ظاہر کیا ۔ واضح رہے کہ گذشتہ دو سالوں سے وقفہ وقفہ سے مقامی ولیج ڈیولپمنٹ کمیٹی کے شرپسند عناصر مسلمانوں کو عیدگاہ کی اراضی پلے گرائونڈ کیلئے مختص کرنے کی خواہش کرتے ہوئے ہراساں کررہی ہے جبکہ یہ اراضی درج وقف ہے اور تمام دستاویزات اور لوک آیوکت کے فیصلہ کے باوجود بھی امتیازی رویہ اختیار کیا جارہا ہے کانگریس حکومت میں مسلمانوں کے ساتھ انصاف ہونے کا مقامی مسلمانوں کو یقین ہے جس کی وجہ سے یہ مسلسل کانگریسی قائدین سے نمائندگی کررہے ہیں ۔ اس وفد میں عبدالنعیم ، محمد عارف ، محمد رفیع ، عبدالرحیم ، شیخ ریاض ، عبدالخلیل ، عبدالعزیز کوآپشن ممبر ، ایم اے معز ، احمد حسین ، ایم اے صمیم ، محمد ظہیر علی فیاض و دیگر موجود تھے ۔