دوحہ۔ 7 ڈسمبر (سیاست ڈاٹ کام) قطر نے ایجوکیشن سٹی اسٹیڈیم کے افتتاح کو آئندہ سال تک ملتوی کردیا ہے۔ فیفا نے ہفتہ کو کہا کہ 2020ء فٹبال ورلڈ کپ کے مقابلوں کے اہتمام کیلئے تیل اور قدرتی گیاس سے اس خلیجی ریاست میں جدید تعمیر شدہ یہ دوسرا اسٹیڈیم ہے۔ اس اسٹیڈیم کا 10 ڈسمبر کو لیور پول اور کسی دوسری ٹیم کے ساتھ کلب ورلڈ کپ سیمی فائنل کا اہتمام کیا جانے والا تھا، لیکن حکام کی طرف سے اس اسٹیڈیم کے معیارات کی توثیق میں تاخیر کی وجہ سے یہ کھیل اب خلیفہ انٹرنیشنل اسٹیڈیم میں منعقد ہوں گے جہاں پہلے ہی کلب ورلڈ کپ کے مقابلے ہوچکے ہیں۔ ایجوکیشن سٹی اب 2020ء میں کھولی جائے گی، تاہم عالمی فٹبال کے اُمور کی نگراں ادارہ نے اس کی قطعی تاریخ نہیں دی ہے۔ فیفا نے اپنے ایک بیان میں کہا کہ ’’ایجوکیشن سٹی اسٹیڈیم کی تعمیر مکمل ہوچکی ہے اور یہ مقام اب پوری طرح کارکرد ہے‘‘۔ ذرائع نے کہا کہ ضروری توثیق کا عمل توقع سے زائد وقت لیا ہے چنانچہ یہ اسٹیڈیم فیفا کلب ورلڈ کپ کے فائنل اور سیمی فائنل سے پہلے کے مقابلے منعقد نہیں کرسکا تھا۔ دوحہ کے جدید ترین الجنوب اسٹیڈیم میں 40 ہزار شائقین کے بیٹھنے کی گنجائش ہے۔ علاوہ ازیں 5 دیگر اسٹیڈیمس زیرتعمیر ہیں۔ قطر آئندہ منگل کو اپنے تین لائنوں پر مشتمل میٹرو سسٹم کے مابقی اسٹیشنوں اور لائنوں کا افتتاح عمل میں لائے گا۔
