دوحہ : 10ستمبر ( ایجنسیز ) قطر کے وزیراعظم شیخ محمد بن عبدالرحمان الثانی نے دوحہ میں اسرائیلی حملے کو ‘ریاستی دہشت گردی’قراردیدیا۔اسرائیلی حملیکے بعد اپنی پہلی پریس کانفرنس میں قطری وزیراعظم نے واضح کردیا کہ وہ اسرائیلی حملے کے جواب کا حق محفوظ رکھتے ہیں، انہوں نے اسرائیل کو پیغام دیا کہ ان کا ملک اس واقعہ کو ہرگز نظر انداز نہیں کرے گا۔قطر کے وزیراعظم شیخ محمد نے کہا کہ وہ محض بیانات اور مذمتوں سے آگے بڑھ کر ردعمل دینے کے تمام ذرائع بروئے کار لا رہے ہیں اوراس سلسلے میں ایک قانونی ٹیم بھی تشکیل دی جا رہی ہے تاکہ اسرائیل کو جوابدہ ٹھہرایا جا سکے۔انہوں نے کہا کہ ہمارا یقین ہے کہ آج ہم ایک فیصلہ کن موڑپرپہنچ گئے ہیں اور ایسے بربریت پر مشتمل اقدامات کے خلاف پورے خطے سے جواب آنا چاہیے۔قطر کے وزیراعظم کا کہنا تھا کہ یہ واقعہ پورے خطے کوانتشار کی جانب دھکیل رہا ہے اور اسرائیلی وزیراعظم پوریخطے کو افراتفری میں مبتلا کر رہے ہیں۔وزیراعظم نے بتایا کہ حملے کا وقت اس اجلاس سے جڑا تھا جس میں حماس کی مذاکراتی ٹیم امریکی تجاویز پر بات کر رہی تھی تاکہ غزہ جنگ بندی کے معاہدے تک پہنچا جا سکے لیکن اسرائیل نے اس عمل کو سبوتاج کر دیا۔قطر کے وزیراعظم شیخ محمد نے امریکا کی جانب سے اسرائیلی حملے کی پیشگی اطلاع دینے کی خبروں کی تردید کردی۔انہوں نے امریکی کردار پر بات کرتے ہوئیکہا کہ حملے کے 10 منٹ بعد امریکی حکام نے قطری حکام سے رابطہ کیا تاہم ڈرون ریڈار پر نظر نہ آنے کے باعث قطر حملے کو روکنے میں ناکام رہا۔غزہ جنگ بندی میں ثالثی کے کردار سے متعلق بات چیت کرتے ہوئے انہوں نے واضح کیا کہ غزہ جنگ بندی میں ثالثی کی کوششیں جاری رہیں گی۔انہوں نے کہا کہ خطے میں ثالثی کے کردار اور کوششوں سے ہمیں کوئی نہیں روک سکتا۔یاد رہے کہ اس سے قبل غیر ملکی میڈیا نے دعویٰ کیا تھا کہ قطر نے غزہ جنگ بندی اور یرغمالیوں کی رہائی کے لیے ثالثی کا کردار معطل کردیا ہے۔
قطر پر حملہ کا فیصلہ میرا نہیں
نیتن یاہو کا تھا: ٹرمپ
واشنگٹن : 10 ستمبر ( ایجنسیز ) امریکی صدر ڈونلڈ ٹرمپ کا کہنا ہے کہ قطرپر حملے کا فیصلہ ان کا نہیں اسرائیلی وزیراعظم نیتن یاہو کا تھا۔غیر ملکی خبر رساں ادارے کے مطابق اپنے ایک بیان میں امریکی صدر ڈونالڈ ٹرمپ نے کہا کہ قطرپریکطرفہ بمباری اسرائیل یا امریکہ کے مقاصدکو آگے نہیں بڑھاتی، قطرپرحملے کافیصلہ اسرائیلی وزیراعظم نیتن یاہو کا تھا میرا نہیں۔امریکی صدر کا کہنا ہے کہ امریکی وزیر خا رجہ مارکوروبیوکو قطر کیساتھ دفاعی تعاون کے معاہدے کوحتمی شکل دینے کا کہا ہے۔ٹرمپ کے مطابق قطرایک خودمختارملک اورامریکا کا قریبی اتحادی ہے، قطرہمارے ساتھ مل کربہادری سے امن قائم کرنے کی کوشش کر رہا ہے جبکہ حماس نے غزہ کے عوام کی بدحالی سے فائدہ اٹھایا۔