کابل: افغانستان کے صوبہ قندھار میں سکیورٹی فورسز نے 74 طالبان جنگجوؤں کو مار گرایا ہے ۔ افغانستان کی وزارت دفاع نے اتوار کے روز یہ اطلاع دی۔وزارت نے ٹویٹ کیا،‘ قندھار صوبے کے ژڑی، دامان، پنجوائے اور ضلع ارغنداب میں ہفتے کے روز 74 طالبان جنگجو مارے گئے اور دیگر 15 زخمی ہوئے ہیں’۔ وزارت نے بتایا کہ فوج کے مقامات پر حملہ کرنے کا منصوبہ بنانے والے جنگجوؤں پر حملہ کیا۔ اس دوران دونوں کی جانب سے گولی باری ہوئی۔ وزارت نے بتایا کہ جوانوں نے جنگجوؤں کے قبضے سے بڑی تعداد میں ہتھیار برآمد کی ہے ۔
