آپسی رضامندی سے مسئلہ کو حل کرنے عوام سے ضلع ایس پی نارائن پیٹ کی اپیل
نارائن پیٹ ۔9 ستمبر ۔ ( سیاست ڈسٹرکٹ نیوز ) ضلع ایس پی نارائن پیٹ مسٹر یوگیش گوتم نے آج اپنے ایک بیان میں کہا کہ قومی لوک عدالت کے ذریعے باہمی رضا مندی و سمجھوتے سے لوگوں کو فوری انصاف فراہم ہوتا ہے ،فریقین کو اس مہینے کی 13 تاریخ کو ہونے والی ’’قومی لوک عدالت‘‘ سے فائدہ اُٹھانا چاہیے ،انہوں نے کہا کہ تنازعات زندگی بھر چل سکتے ہیں اگر انہیں بڑھنے دیا جائے۔ اگر وہ اس فیصلے پر پہنچ جائیں کہ وہ آپسی رضا مندی سے مسئلہ کو حل کرلینگے تو وہ اب ختم ہو جائیں گے، اور سمجھوتہ کرنے کا راستہ ہی شاہی راستہ ہے۔ انہوں نے کہا کہ نارائن پیٹ اور کوسگی عدالتوں میں 13 ستمبر 2025 تک مفت قانونی خدمات اتھارٹی کے زیراہتمام ’’قومی لوک عدالت‘‘ متاثرہ فریقوں کے لیے دستیاب رہے گی۔ انہوں نے کہا کہ اگر آپ کے جاننے والے لوگوں کے خلاف کوئی مقدمات ہیں تو وہ صلح کر کے عدالت میں پیش ہونے کی صورت میں مکمل طور پر کیس بند کر دیئے جائیں گے۔ ایس پی نے کہا کہ اس قومی لوک عدالت میں حادثے کے معاملات، مارپیٹ کے معاملات، دھوکہ دہی کے معاملات، شادی سے متعلق معاملات، چھوٹی موٹی چوری کے کیس، ڈرنک اینڈ ڈرائیو کیس اور دیگر معاملات جن میں صلح نہیں ہو سکتی ہے، کو اس قومی لوک عدالت میں بند کیا جا سکتا ہے۔ اس لیے انہوں نے مقدمات میں ملوث ہر فرد پر زور دیا کہ وہ اس موقع سے فائدہ اُٹھائیں۔ اس کے لیے، انہوں نے کہا کہ تمام شکایت کنندگان اور مجرموں کو اپنے آدھار کارڈ لے کر متعلقہ عدالت؍جگہ میں حاضر ہونا چاہیے۔ ایس پی نے کہا کہ قومی لوک عدالت ضلع بھر کے متاثرین کے لیے ایک اچھا موقع ہے اور اس کا فائدہ اُٹھانا چاہیے۔
