نئی دہلی:الیکشن کمیشن سے قومی پارٹی کا درجہ ملنے کے بعد، عام آدمی پارٹی لوٹین کے دہلی کے علاقے میں اپنا دفتر قائم کرنے کے لیے پلاٹ کے لیے اگلے ہفتے ہاؤسنگ اور شہری امور کی مرکزی وزارت کو درخواست دے گی۔ ذرائع نے بتایا کہ نیشنلسٹ کانگریس پارٹی اور کمیونسٹ پارٹی آف انڈیا (سی پی آئی) سے بالترتیب کیننگ روڈ اور پرانہ قلعہ روڈ پر الاٹ شدہ سرکاری بنگلے خالی کرنے کو کہا جا سکتا ہے۔ الیکشن کمیشن نے ان دونوں جماعتوں کی بطور قومی پارٹی کی پہچان ختم کر دی تھی۔
سی پی آئی کے موجودہ انچارج ڈی راجہ نے کہا کہ پرانا قلعہ روڈ پر واقع بنگلہ سی پی آئی کو اس وقت الاٹ کیا گیا تھا جب اسے پارٹی جنرل سکریٹری اے بی بردھن کے دور میں قومی پارٹی کا درجہ ملا تھا۔ راجہ فی الحال ولبھ بھائی پٹیل ہاؤس میں رہتے ہیں۔
