رانچی۔ راشٹریہ جنتا دل سربراہ لالو پرسادکی طبیعت ٹھیک نہیں ہے اور انھیں بہتر علاج کیلئے دہلی کے آل انڈیا انسٹی ٹیوٹ آف میڈیکل سائنس (ایمس) میں شریک کیا گیا ہے جہاں ان کی حالت بہتر بتائی جارہی ہے۔بہار اسمبلی میں آر جے ڈی صدر اور اپوزیشن لیڈر اور ان کے بیٹے تیجسوی پرساد یادو نے ہفتہ کو رانچی میں چیف منسٹر ہیمنت سورین سے ملاقات کے بعد کہا کہ لالو یادو کی طبیعت ٹھیک نہیں ہے ، ڈاکٹر کے مشورے پر ان کا علاج کیا جائے گا۔ یادو کی تشویشناک حالت کی اطلاع ملنے پر لالو یادو کی اہلیہ رابڑی دیوی ، بیٹے تیج پرتاپ یادو ، تیجسوی یادو اور بیٹی میسا بھارتی کل رانچی پہنچ گئی تھیں۔
