نئی دہلی: ہندوستان میں ہر سال 15 اگست کو یوم آزادی منایا جاتا ہے۔ اس موقع پر ملک فخر اور حب الوطنی کے رنگوں میں ڈوب جاتا ہے۔ آج کے دن 1947 میں ملک نے 200 سالہ برطانوی راج سے آزادی کا اعلان کیا تھا۔ اس بار آپ سب سوچ رہے ہوں گے کہ 77ویں یوم آزادی کی تقریبات کیسی ہوں گی؟ اس بار یوم آزادی کی تھیم G20 ہے۔ پروگرام صبح 7.15 بجے شروع ہوگا اور وزیراعظم نریندر مودی کی تقریر تک جاری رہے گا۔ فل ڈریس ریہرسل 13 اگست کو ہوگی جس میں ڈمی کے طور پر وی آئی پی روٹ لگے گا۔ ایک ہزار این سی سی اور اسکولی بچے بھی شرکت کریں گے۔ یہاں تقریباً 10 ہزار لوگ شرکت کریں گے۔ دہشت گردانہ حملوں کے ان پٹ کے بعد دہلی پولیس لال قلعہ کی حفاظت میں کوئی بھی چوک نہیں برتنا چاہتی۔ ذرائع سے موصولہ اطلاعات کے مطابق انٹیلی جنس ایجنسیوں سے ملنے والے ان پٹ کے بعد اب لال قلعہ پر پہلے سے زیادہ بڑا سیکورٹی دائرہ ہوگا۔
