سرینگر: جموں وکشمیر کی گرمائی راجدھانی سرینگر کے لال چوک میں منگل کے روز سیکورٹی فورسز نے راہگیروں ، موٹر سائیکل سواروں کی تلاشی لی جس دوران ان کے شناختی کارڈ باریک بینی سے چیک کئے جارہے تھے ۔لال چوک اور اس کے گرد نواح میں سیکورٹی کو اچانک متحرک کیا گیا ۔اطلاعات کے مطابق سماج دشمن عناصر کے منصوبوں کو ناکام بنانے کی خاطر شہر سری نگر میں سیکورٹی انتظامات کو مزید سخت کردیا گیا ہے ۔سٹی رپورٹر نے بتایا کہ لال چوک میں منگل کے روز سیکورٹی فورسز نے مسافروں ، راہگیروں اور سکوٹی سواروں کو روک کر تلاشی لی ۔
