لکھنؤ: کانگریس جنرل سکریٹری پرینکا گاندھی واڈرا نے وزیر اعظم اور وزرائے داخلہ کی ریلیوں کے لیے بسوں کے استعمال پر حکومت کو نشانہ بنایا ہے۔ انہوں نے کہا کہ لاک ڈاؤن کے دوران جب لاکھوں مزدور پیدل اپنے گاؤں لوٹ رہے تھے، بی جے پی حکومت نے مزدوروں کو بسیں فراہم نہیں کی تھیں۔ انہوں نے بعض اخبارات کی خبروں کے اسکرین شاٹس شیئر کرکے یہ نشانہ بنایا ہے۔ ان رپورٹس میں بتایا گیا ہے کہ پی ایم مودی کی ریلیوں کے لیے سرکاری بسوں کا انتظام کیا جا رہا ہے۔ ایک خبر میں بتایا گیا ہے کہ 19 نومبر کو مہوبہ میں وزیر اعظم نریندر مودی کی ریلی کے لیے 1600 بسوں کا انتظام کیا جا رہا ہے۔ ان کے اخراجات محکمہ آبپاشی برداشت کرے گا۔ اس کے ساتھ ہی بتایا گیا ہے کہ ضلع انتظامیہ نے محکمہ ٹرانسپورٹ سے بسیں بھی منگوائی ہیں۔
