حیدرآباد۔ لاک ڈاون میں نرمی کے اوقات میں اضافہ کے بعد تلنگانہ آرٹی سی کی جانب سے مزید بسیں چلائی جارہی ہیں۔ مسافرین کے ہجوم کے لحاظ سے بسیں چلائی جارہی ہیں۔کورونا کی روک تھام کیلئے نافذ کردہ لاک ڈاون کے سبب خسارہ کی شکار آرٹی سی،حکومت کی ہدایت کے مطابق ہی بسیں چلارہی ہے ۔لاک ڈاون میں نرمی کے اوقات میں اضافہ کے بعد آرٹی سی نے اضافی خدمات کا آغاز کردیا ہے ۔قبل ازیں لاک ڈاون میں پہلی توسیع کے دوران دس بجے دن تک بسیں چلائی گئی تھیں تاہم آمدنی 50لاکھ بھی نہیں ہوپائی۔31مئی سے لاک ڈاون میں توسیع کے اوقات میں اضافہ کرتے ہوئے دو بجے دن تک کئے گئے تھے جس کے پیش نظر مزید بسیں سڑکوں پر نظر آئیں تاہم اس کی آمدنی میں اضافہ نہیں ہوا۔معمول کی 50لاکھ روپئے کی آمدنی نصف ہوگئی۔آج سے دوردراز کے علاقوں کیلئے بھی آرٹی سی بسیں چلائی جارہی ہیں۔آرٹی سی کی بین ریاستی بس خدمات پر زائد آمدنی ہوتی تھی تاہم لاک ڈاون کی وجہ سے اس خدمات پر روک لگادی گئی ہے ۔
