حیدرآباد یکم اپریل (یواین آئی) تلنگانہ میں لاک ڈاون پر سختی سے عمل کیاجارہا ہے ۔پولیس ہر طرح سے چوکس نظر آرہی ہے تاہم اس لاک ڈاون کے موقع پر ایک ایسا منظر دیکھا گیا جو حیران کن تھا۔ ریاست کے سوریہ پیٹ میں سب انسپکٹر پولیس عبداللہ کی وظیفہ پر سبکدوشی کی تقریب سڑک پر ہی منعقد کی جاسکی ۔اس لاک ڈاون کے اعلان کے بعد سے ہی وہ پولیس کی بندوبست کی ڈیوٹی انجام دینے میں کافی مصروف تھے ۔انہوں نے شام تک ڈیوٹی کی اورگزشتہ روز سبکدوش ہوگئے ۔ان کی سبکدوشی کی خاص بات یہ رہی کہ اعلی عہدیدار وہاں پہنچے اور ان کی سبکدوشی کی چھوٹی سی تقریب وہیں سڑک پر منعقد کرتے ہوئے ان کی خدمات کی کافی ستائش کی۔