بیروت ۔ 21 اکٹوبر (ایجنسیز) لبنان کے نائب وزیراعظم طارق متری نے تصدیق کی ہے کہ اسرائیل سکیورٹی انتظامات کے آغاز سے ہی لبنانی علاقوں پر حملے جاری رکھے ہوئے ہے۔ ان کا کہنا تھا کہ کسی کو بھی معلوم نہیں کہ اسرائیل کے اصل عزائم اور منصوبے کیا ہیں۔طارق متری نے العربیہ اور الحدث سے گفتگو میں کہا کہ لبنانی فوج ہتھیار جمع کرنے کے منصوبے پر مؤثر انداز میں عمل کر رہی ہے۔ انہوں نے بتایا کہ یہ منصوبہ اپنے پہلے مرحلے میں ہے اور جلد مکمل کر لیا جائے گا، تاہم فوج کو وسائل کی کمی جیسے بڑے چیلنج کا سامنا ہے۔انہوں نے مزید کہا کہ اسرائیلی جارحیت فوج کے کام میں رکاوٹ بن رہی ہے، لیکن فوجی ادارہ اپنے فرائض انجام دینے کیلئے ہر ممکن موقع تلاش کر رہا ہے اور منصوبے کے تحت متعدد عسکری مقامات پر چھاپے بھی مار چکا ہے۔