بیروت۔ اقوام متحدہ کی سلامتی کونسل نے لبنان میں تعینات امن دستوں میں تخفیف کی منظوری دے دی ہے۔ اس ضمن میں گزشتہ روز متفقہ طور پر ایک قرارداد منظور کی لی گئی۔ امریکی دباؤ میں فرانس کی جانب سے پیش کردہ اس قرارداد کے تحت امن دستوں کی تعداد پندرہ ہزار سے کم کر کے 13,000 کر دی جائے گی۔ قرارداد کے مسودے میں لبنانی حکومت سے یہ مطالبہ بھی کیا گیا ہے کہ لبنان اور اسرائیل کے مابین سرنگوں کی تفتیش کے لیے اقوام متحدہ کے تفتیش کاروں کو مطلوبہ مقامات تک رسائی دی جائے۔ قرارداد کے مسودے میں لبنان میں سرگرم گروپ حزب اللہ کی سرگرمیوں کے حوالے سے امریکی و اسرائیلی تحفظات کا بھی تذکرہ ہے۔
