دوحہ، 21 اکتوبر (سیاست ڈاٹ کام) متحدہ عرب امارات (یو اے ای) سفارت خانے نے لبنان میں جاری تشدد کے درمیان اپنے شہریوں کی کامیاب وطن واپسی کے لئے ہیڈکوارٹر بنایا ہے ۔بیروت میں یو اے ای کے ہائی کمشنرا حمد سعید سلطان الشمسی نے اس کی اطلاع دی ۔مسٹر شمسی نے ٹویٹ کر کے کہا‘‘ہائی کمیشن نے ہیڈکوارٹر قائم کیا ہے جسے ڈپلومیٹ اسسٹنٹ کے ذریعے چلایا جا رہا ہے ۔ یہ لوگ یو اے ای کی وزارت خارجہ کے ساتھ رابطہ میں ہیں تاکہ ملک کے شہری تشدد کے درمیان کامیابی سے اپنے وطن واپس جا سکیں’’َ ۔لبنان میں واقع سعودی عرب کے سفارت خانے نے بتایا کہ اب تک 132 سعودی شہری یہاں سے اپنے وطن جا چکے ہیں ۔ اس سے قبل گزشتہ جمعہ کو عرب ممالک کے وزیر خارجہ نے اپنے شہریوں کو سفری مشورہ جاری کرتے ہوئے کہا کہ شہری فی الحال لبنان کا دورہ کرنے سے بچیں اور جو بھی شہری اس وقت وہاں ہیں وہ گنجان والی جگہ نہ جائیں ۔