لبنان : لبنانی پولیس نے بتایا کہ لبنان کی ایک جیل کے دروازے توڑنے اور جیل کے محافظوں کے حملے کے بعد 70 قیدی فرار ہوگئے۔ پولیس اور مفرور قیدیوں کیدرمیان ہونے والے تصادم اور تعاقب کے دوران کم سے کم پانچ افراد ہلاک ہو گئے ہیں۔ایسوسی ایٹ پریس کے مطابق پولیس کے ایک بیان میں کہا گیا ہے کہ فرار ہونے والے 5 قیدی اس وقت ہلاک ہوگئے جب فرار ہونے کے دوران وہ چوری کی ایک کار پربھاگ رہے تھے۔ پولیس کے تعاقب کے دوران کار ایک درخت سے ٹکرا گئی۔لبنان کے دارالحکومت بیروت کے نواحی علاقہ بعبدا جیل میں جس میں 69 قیدی فرار ہوئے۔ پولیس کا کہنا ہے ہ اس نے 15 قیدیوں کو دوبارہ پکڑ لیا ہے جب کہ 4 قیدیوںنے خود کو حکام کے حوالے کردیا۔سیکیورٹی فورسز نے جیل کے آس پاس کا علاقہ بند کردیا اور باقی قیدیوں کا تعاقب جاری ہے۔ پولیس کے ایک بیان میں کہا گیا ہے کہ واقعے کی تحقیقات جاری ہیں۔قیدیوں کے ایک گروپ نے البعیدجیل کا ایک دروازہ توڑا اور نامعلوم مقامات کی طرف فرار ہوگئے تھے۔
