برطانیہ ظالم کی بجائے مظلوموں کا ساتھ دے‘ احتجاجیوں کا مطالبہ
لندن :اسرائیلی جارحیت کے خلاف لندن میں بارش کے باوجود زبردست احتجاج کیا گیا جس میں لاکھوں کی تعداد میں لوگوں نے حصہ لیا۔ احتجاجی ریالی کے شرکا مختلف شاہراہوں سے گزرتے ہوئے پارلیمنٹ اسکوائر تک پہنچے۔ جہاں شرکا نے مطالبہ کیا کہ برطانیہ ظالم کی بجائے مظلوموں کا ساتھ دے اور جنگ بندی سے فلسطینیوں کی زندگی محفوظ بنائے۔لندن میں احتجاجی مظاہرے پر میٹ پولیس کمشنر نے تشویش کا اظہارکیا اور مزید فورسزکو طلب کرنے کا اشارہ دیا۔ احتجاجیوں نے یہ بھی کہا کہ سلامتی کونسل میں جنگ بندی کی قرارداد پر امریکہ کا ویٹو کرنا اور برطانیہ کا غیر حاضر رہنا قابل شرم ہے۔شرکا نے باور کروایا کہ جنگ بندی کی حمایت نہ کرنے والوں کو نہیں بھولیں گے۔ آئندہ الیکشن میں اپنے ووٹ سے بدلہ لیں گے۔احتجاجی ریلی میں شریک لاکھوں افراد کی شرکت کے سبب سنٹرل لندن میں ٹریفک کا نظام متاثر ہوگیا۔