لندن : لندن عرب کالونی میں نامعلوم افراد نے چاقو کا حملہ کرکے ایک خاتون سمیت تین افراد کو زخمی کردیا۔العربیہ ڈاٹ نیٹ کے مطابق یہ واقعہ بگ بین گھڑیال کا الارم بجنے کے 25 منٹ کے بعد پیش آیا۔ زخمی ہونے والی ایک خاتون اور دو مردوں کو اسپتال منتقل کیا گیا ہے جہاں ان کی حالت معلوم نہیں ہوسکی ہے۔ خیال رہے کہ لندن عرب کالونی کو ’ایڈ ویئر روڈ‘ بھی کہا جاتا ہے۔پولیس نے ایڈورڈ سے ایک مشتبہ خاتون حملہ آور کو گرفتار کیا ۔ اس واقعہ سے کچھ ہی فاصلے پر سابق وزیراعظم ٹونی بلیئرکی رہائش گاہ ہے جب کہ اسے’گولڈن ٹرائنگل‘ کہا جاتا ہے۔ اس میں عرب اسٹریٹ کے علاوہ ہائیڈ پارک اور ماربل آرک اسکوائر اور آکسفورڈ اسٹریٹ شامل ہیںپولیس نے آج صبح مقامی وقت کے مطابق 6بجے علاقے کوسیل کرکے سرچ آپریشن شروع کردیا تھا۔ پولیس کی طرف سے اس واردات کی مزید تفصیل بیان نہیںکی گئی۔ ذرائع کہنا ہے کہ حملہ آور اور زخمی ہونے والے تمام افراد لندن میں کورونالاک ڈئون کے مخالفین ہیں اور لاک ڈائون کے خلاف مظاہرے کرتے رہے ہیں۔
