نئی دہلی : لوک سبھا کے اسپیکر اوم برلا نے اتوار کو لوک مانیہ بال گنگادھر تلک کے یوم پیدائش پر پارلیمنٹ ہاؤس کے سنٹرل ہال میں ان کی کی تصویر پر گلہائے عقیدت پیش کئے ۔راجیہ سبھا کے ڈپٹی چیئرمین ہری ونش نارائن سنگھ اور ممبران پارلیمنٹ نے بھی عظیم مجاہد آزادی کو خراج عقیدت پیش کیا۔لوک سبھا کے سکریٹری جنرل اتپل کمار سنگھ اور راجیہ سبھا کے سکریٹری جنرل پی سی مودی نے بھی پھول چڑھائے ۔ لوک مانیا کی تصویر کی نقاب کشائی 28 جولائی 1956 کو اس وقت کے وزیر اعظم ہند پنڈت جواہر لال نہرو نے پارلیمنٹ ہاؤس کے سنٹرل ہال میں قوم کے لیے ان کی شاندار خدمات کے اعتراف میں کی تھی۔قبل ازیں اپنے ٹویٹ پیغام میں مسٹر برلا نے کہا، “عظیم مجاہد آزادی ، سماجی مصلح، ممتاز عالم اور ماہر تعلیم ‘لوک مانیہ’ بال گنگادھر تلک کو ان کی یوم پیدائش پر سلام۔ ان کے افکار نے ثقافت کے غرور اور عام لوگوں میں قوم پرستی کے جذبات کو تقویت دی۔ وہ جدید ہندوستان کے سب سے بڑے کرم یوگی تھے جن کے نظریات ہمیشہ تحریک دیتے رہیں گے ۔
