حیدرآباد20مارچ (یواین آئی )لوک سبھاانتخابات کے سلسلہ میں ایک اہم دلچسپ معاملہ سامنے آیا ہے کیونکہ تازہ طورپر اراکو لوک سبھا حلقہ سے سابق مرکزی وزیر کشور چندر دیو کے خلاف ان کی بیٹی مقابلہ کر رہی ہیں جو بحث کا موضوع بن گیاہے ۔مسٹر دیو نے حال ہی میں کانگریس چھوڑ کر ریاست کی حکمران جماعت تلگودیشم میں شمولیت اختیار کی اور تلگودیشم نے ان کو اراکو حلقہ لوک سبھا سے امیدوار بنایاہے تاہم کشور چند ر دیو کی سیاسی وارث سمجھی جانے والی ان کی بیٹی شروتی دیو میں ہی برقرار ہیں ،کانگریس نے ان کو اسی حلقہ سے امیدوار بنایا ہے جس کے سبب باپ اور بیٹی کے درمیان اس حلقہ میں اہم مقابلہ ہونے جارہا ہے ۔شروتی نے ماحولیاتی قوانین کی تعلیم حاصل کی ہے ۔وہ جونیر وکیل ہیں ۔ ان کے انتخابی میدان میں اترجانے سے اس ایس ٹی طبقہ کے لئے محفوظ نشست پر مقابلہ دلچسپ ہوگیا ہے ۔شروتی نے ماضی میں اپنے والد کیلئے بڑے پیمانہ پر انتخابی مہم چلائی تھی ۔
