نئی دہلی: لوک سبھا میں اپوزیشن پارٹیوں کے ہنگامہ کی وجہ سے چہارشنبہ کے روز وقفہ سوالات نہیں ہو سکا اور اسپیکر اوم برلا کو ایوان کی کارروائی دوپہر 12 بجے تک ملتوی کرنی پڑی۔جب برلا نے 11 بجے وقفہ سوالات شروع کیا تو اپوزیشن پارٹیوں کے ممبران نے ہنگامہ کرتے ہوئے چاہ ایوان میں آکر نعرے بازی شروع کردی۔ ہنگامہ کے درمیان اسپیکر نے وقفہ سوالات کا آغاز کیا اور کئی وزراء نے ارکان کے کئی سوالات کے جوابات دیئے ۔احتجاج کرنے والے اراکین کو خاموش کرانے کی کوشش کرتے ہوئے برلا نے کہا، “ممبران کو عوام کے تئیں ذمہ دارانہ انداز میں کام کرنا چاہیے۔ عوام نے انہیں نعرے لگانے کیلئے منتخب نہیں کیا ہے ۔ یہ طریقہ درست نہیں ہے ۔ وقفہ سوالات کے دوران، سبھی کو کافی وقت ملتا ہے ۔ اور اس سے حکومت کی ذمہ داری طے ہوتی ہے ، اس لیے وقفہ سوالات کو چلنے دیا جائے ، میری کوشش ہے کہ وقفہ سوالات چلے اور اراکین اس میں تعاون کریں۔ارکان پر ان کی اپیل کا کوئی اثر نہ ہوا اس لیے اسپیکر نے ایوان کی کارروائی 12 بجے تک ملتوی کر دی۔
