نئی دہلی: لوک سبھا میں دو موجودہ ممبران رتن لال کٹاریہ اور بالوبھاؤ عرف سریش نارائن دھنورکر اور عتیق احمد سمیت گیارہ سابق ارکان کے انتقال پر گہرے رنج و غم کا اظہار کرتے ہوئے جمعرات کے روز انہیں خراج عقیدت پیش کیا گیا۔لوک سبھا کے اسپیکر اوم برلا نے ایوان کی کارروائی شروع ہوتے ہی دو موجودہ ارکان اور گیارہ سابق ارکان کو خراج عقیدت پیش کیا۔ انہوں نے کہا کہ امبالا پارلیمانی حلقہ سے موجودہ رکن اسمبلی رتن لال کٹاریہ (71) کا 18 مئی کو چنڈی گڑھ میں انتقال ہو گیا تھا۔ وہ کئی کمیٹیوں کے ممبر تھے ۔ وہ ہریانہ قانون ساز اسمبلی کے رکن بھی رہے تھے ۔انہوں نے کہا کہ بالوبھاؤ عرف سریش نارائن دھنورکر مہاراشٹر کے چندر پور پارلیمانی حلقہ سے موجودہ لوک سبھا ممبر تھے ۔ ان کا انتقال 30 مئی کو گروگرام میں 48 سال کی عمر میں ہوا۔ اسپیکر نے کہا کہ ایوان موجودہ اور سابق ارکان کے انتقال پر گہرے دکھ کا اظہار کرتا ہے ۔
