بنگلورو ۔ 5 جولائی (ایجنسیز) ریاست کرناٹک کے میسورکے قریب ایک جنونی نوجوان نے وحشیانہ واردات انجام دی۔پولیس کے بیان کے مطابق پانڈاوا پور کی رہنے والی ایک لڑکی سے ابھیشیک نامی نوجوان کچھ عرصہ سے محبت کا دعویٰ کرتے ہوئے اس کا پیچھا کر رہا تھا۔ ہفتہ کی شام اس نے لڑکی پر زبردستی محبت قبول کرنے کا دباؤ ڈالا جب لڑکی نے اس کی محبت کو مسترد کر دیا اور سختی سے جھڑک دیا تو نوجوان طیش میں آگیا۔ ابھیشیک نے اپنے ساتھ لایا ہوا چاقو نکالا اور لڑکی پر حملہ کر دیا جس کے باعث وہ موقع پر ہی بے ہوش ہو کر گر پڑی۔ لڑکی خون میں لت پت پڑی تھی لیکن نوجوان کی درندگی یہیں نہیں رکی اس نے لڑکی کے گلے میں منگل سوتر باندھ کر اس کے ساتھ سیلفی لی اور خوشی منائی۔ بالآخر لڑکی نے علاج کے دوران دم توڑ دیا۔ پولیس مفرور نوجوان کی تلاش کررہی ہے۔
