ہوبارٹ۔ آسٹریلیا کے ٹسٹ سابق کپتان ٹم پین نے کہا کہ وہ یہ دیکھ کر حیران نہیں ہوئے کہ مارنس لیبوشین نے جنوبی افریقہ کے خلاف ونڈے سیریز کے افتتاحی میچ میں کتنی اچھی طرح سے خود کو ڈھال لیا، اس بات کی نشاندہی کرتے ہوئے کہ انہوں نے کہا کہ لیبو شین اپناکیریئر بنا رہا ہے۔ ایک سوپر متبادل کے طور پر انہوں نے کامیابی حاصل کی ۔ کیمرون گرین کی جگہ لیبوشین کنکشن کے متبادل کے طور پر آئے، اور آٹھویں نمبر کے بیٹر کے طور پر93 گیندوں پر 80 رنزکی میچ جیتنے والی اننگز کھیل کر اپنی ٹیم کو فتح دلوائی۔ وہ گرین کے بائیں کان کے پیچھے مار لگنے کے بعد میدان میں آئے ۔ یاد رہے جنوبی افریقی کی جانب سے ایک مشکل وکٹ پر کامیابی کیلئے دیئے گئے 223 رنز کے تعاقب میں آسٹریلیائی ٹیم ایک موقع پر 16.3 اوورس میں 113/7 کی نازک صورت حال سے پریشان تھی اور اس کے سر پر شکست کے بادل منڈلارہے تھے لیکن لیبو شین نے 8 ویں نمبر پر 80 رنز کی یادگار اننگز کھیلی اور ٹیم کو کامیابی سے ہمکنارکیا۔
بوپنا کی تاریخ بنائی
نیویارک۔ ہندوستان کے روہن بوپنا گرانڈ سلام فائنل میں پہنچنے والے سب سے زیادہ عمرکے مرد کھلاڑی بن گئے جب وہ اور ان کے ساتھی آسٹریلیا کے میتھیو ایبڈن یہاں یو ایس اوپن میں ڈبلز فائنل میں پہنچے۔ لوئس آرمسٹرانگ اسٹیڈیم میں بوپنا اور ایبڈن کی چھٹی سیڈ جوڑی نے پیری ہیوگس ہربرٹ اور نکولس مہوت کی فرانسیسی جوڑی کو1 گھنٹے 34 منٹ طویل سیمی فائنل میں 7-6 (3), 6-2 سے شکست دی۔
